Mir sågn grüaß Gott es Leitl alle,
in der herrlich geschmückten Hopfenlandhalle.
Ja sågts, wo samma då heit glandt,
beim Volksmusikfest im Hopfenland.
Wo si ‘s ganze Jåhr nix rüaht,
a jeder Weg nach Hirnkirchen führt,
wo oa Halle nebn da andern steht,
aber a Realschui, des håms net!
Vom Burgamoasta Karl Ecker is zum hörn,
der konn oiwei no a Pfarrer wern.
Weil zum heiraten, werd’s langsam z‘ spät,
und in‘ Bundestag wui er jetz doch net.
Da sparsamste is er weit und breit,
baut a Halle her, für 800 Leit,
aber bloß 400 Stühle kaaft er gråd,
drum sitzn 400 von euch auf Leihstühle vom vielgeliebten Nandlstådt.
WordPress Cookie Plugin von Real Cookie Banner